Hóast lønarkarmurin er felags kann lønarhækkingin vera ymisk

Lønarkarmurin hjá teimum 12 fakfeløgunum á almenna arbeiðsmarknaðinum er 3,87 prosent í ár, men sáttmálakrøv kunnu eta burtur av lønarhækkingini

Tá Súni Selfoss, formaður í Starvsfelagnum, og táverandi landsstýriskvinna í fíggjarmáluim, Ruth Vang, skrivaðu undir semjuna um lønarkarmin. Nú verða sáttmálasamráðingarnar tiknar uppaftur.

Mynd: Bjarni Árting Rubeksen

Sveinur Tróndarson

22.04.2026 - 18:00

Samráðingarnar á almenna arbeiðsmarknaðinum, sum hava ligið stillar, síðani løgtingsvalið varð útskrivað, verða nú tiknar uppaftur.

Nú fara feløgini at samráðast um sáttmálan hvør sær, og hesar samráðingarnar fara endaliga at gera av, hvussu stór veruliga lønarhækkingin verður hjá hvørjum einstøkum løntakara.

Sáttmálakrøvini verða væntandi løgd fram í næstu viku.

Felags lønarkarmurin er 3,87 prosent í ár, men munur kann vera á hjá hvørjum felagi sær, tá krøv, sum kosta pening, eru farin burtur av karminum.

12 feløg hava gjørt semju um felags lønarkarm.

Hoyr samrøðu við Súna Selfoss, formann í Starvsfelagnum:

22042026_Suni