Vikugesturin: Hví ikki eg?

Vikugesturin: Hví ikki eg?
Nýggi stjórin í Heilsustýrinum, Noomi O. Gregersen, var vikugestur
Noomi O. Gregersen hevur phd í mýlalívfrøði og er partur av verkætlanini FarGen
Mynd: Bjarni Árting Rubeksen  
 
25.04.2026 - 13:04

- Tað at liva við skerdum førleika, definerar ikki meg.

Tá ið Noomi O. Gregersen var um at vera liðug við sína ph.d., varð staðfest, at hon hevði krabbamein í mjødnini, sum mátti skerast og endurskapast. Tað hevur gjørt, at hon gongur við einari høkju. 

- Kanska hevur mín trúgv gjørt, at eg havi sagt, at tað skal ikki definera meg. Eg eri ikki mítt handikapp.

Hóast sjúkuna, so gjørdi hon sína ph.d. lidna, og tað vísir hennara treiska lyndi, men hon hevði ongantíð klárað tað uttan stuðulin frá sínari familju. 

- Tað vísir, hvussu nógv eitt sterkt netverk hevur at siga, staðfestir hon.

Noomi O. Gregersen tók við sum stjóri í Heilsustýrinum tann 1. januar 2026. Hon er eisini partur av stóru FarGen verkætlanini, sum hevur til endamáls at kortleggja ílegurnar hjá føroyingum.

Spurd, hví hon søkti starvið sum stjóri í Heilsustýrinum, svarar hon: Hví ikki? Sama svarið gav hon, tá vit spurdu hana um sjúkuna: Hví ikki eg?

Noomi hevur verið trúgvandi alt sítt lív, og hennara kunnleiki til kyknur og tað universið, sum er har, hevur bara gjørt hana uppaftur meira sannførda. 

- Tað er eingin mótsøgn millum trúgv og vísindi, sigur hon.

Noomi O. Gregersen er 47 ára gomul, hon er gift til Syðrugøtu og hevur trý børn. Hon ætlaði upprunaliga at gerast klædnasniðgevi, men lívið førdi hana aðrar leiðir.

Hoyr alla samrøðuna við Noomi O. Gregersen.

1809034

 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470