Frítekst tagging:
- Tíðindi, mentan og ítróttur
SEV ætlar at hava útbyggingarætlan lidna í hesum árinum
SEV ætlar at hava útbyggingarætlan lidna í hesum árinum
Nýggj yvirskipað útbyggingarætlan má gerast fyri at røkka málinum um, at øll elorka skal vera grøn, sigur nevndarformaðurin í SEV
Ætlanin um at seta vindmyllur upp í Klivaløkshaga er komin í drag, tí bíðað verður eftir kanningum og loyvum.
Mynd: Sp/f Vindorka
27.04.2026 - 10:22
Eftir ætlam skal nýggja útbyggingarætlanin hjá SEV vera klár fyri ársenda 2026, sigur Haraldur Hammer, nevndarformaður í SEV, í ársgreiðingini hjá SEV fyri 2025.
SEV ætlaði at brúka 75 milliónir í fjør til vindmyllurnar í Klivaløkshaga í Sandoynni, men tað gjørdist ikki veruleiki.
Útbyggingarætlanin hjá SEV er ikki fylgd.
Seinasta dømið er vindmyllulundin í Klivaløkshaga, sum kom í drag, tá Yvirfriðingarnevndin bað um fleiri kanningar um fuglalívið í økinum.
Nýggj yvirskipað útbyggingarætlan má tí gerast í samstarvi við orkumyndugleikan og aðrar áhugapartar fyri at røkka málinum um, at øll elorka skal verða grøn, sigur nevndarformaðurin í SEV.
Haraldur Hammer er nevndarformaður í SEV.
Arbeiðast má av øllum alvi
- Vit eru noydd til, øll, at arbeiða saman av øllum alvi fyri størri sjálvbjargni á orkuøkinum. Tað hevur skund, sigur Haraldur Hammer.
21. februar í fjør var boðað frá, at eitt felag, sum millum annað Jóhan í Niðristovu ætlaði at stovna, hevði fingið loyvi frá Umhvørvisstovuni til at byggja vindmyllur í Klivaløkshaga í Sandoynni.
Talan er um sjey vindmyllur.
Fýra tilboð komu. Hini vóru frá Magn, Effo og SEV.
Men einki er hent í Klivaløkshaga, tí enn verður bíðað eftir kanningum og loyvum.
Er kopiera
Nýggjastu sendingar í ÚV
Nýggjastu sendingar í SV
