Veronika Petersen nýggjur skúlastjóri á Fossánesi

Virkandi skúlastjórin í skúlanum á Fossánesi seinasta árið er nú sett í starvið sum skúlastjóri.

Tað er Veronika Petersen.

Hon er 53 ára gomul og býr í Norðdepli.

Lærari síðani 2004

Veronika Petersen gjørdist lærari í Føroya læraraskúla í 2004.

Hon hevur drúgvar undirvísingarligar og námsfrøðiligar royndir í fólkaskúlanum og á serøkinum bæði í Danmark og í Føroyum.

Veronika Petersen hevur viðkomandi royndir við at fyrisita og leiða og tekur í løtuni leiðsluútbúgving, skrivar Undirvísingarstýrið.

Tvær umsóknir

Tvær umsóknir vóru til skúlastjórastarvið á Fossánesi.

39 næmingar úr fyrsta til sjeynda flokk vera í skúlanum næsta skúlaár.

Fimm fulltíðarstørv eru í skúlanum á Fossánesi.