Útróðrarbátar kunnu søkja um fiskiloyvi

Útróðrarbátar undir 15 tons í bólki 5, sum skulu fiska á Føroyabanka í ár, kunnu nú søkja Vørn um fiskiloyvi, skrivar heimasíðan hjá fiskimálaráðnum.

Fyri at fáa fiskiloyvi á Bankanum, skal báturin hava avreitt fyri í minsta lagi 500.000 krónur eitt av seinastu trimum árunum.

Sambært lógini um trygd á sjónum krevst, at bátar, sum fara á Føroyabanka, hava galdandi siglingarloyvi, sum eisini fevnir um Føroyabanka.

Umsóknir skulu vera Vørn í hendi í seinasta lagi 18. mai kl. 12.