Styrki og dart í ÍSF

Nú eru 18 sersambond í ÍSF.

Tvey komu aftrat á aðalfundinum leygardagin.

Tey eru Føroya styrkisamband, sum var stovnað í 2019. 

Seks feløg eru limir í Styrkisambandinum.

Hitt er Dartsamband Føroya, sum upprunaliga var stovnað í 1992 og endurstovnað í 2014. 

Har eru níggju feløg limir.

Nýggjur í nevndini

Niclas Joensen er komin í nevndina fyri Magnus Tausen, og í íðkaranevndina, har Edna Maria Debes takkaði fyri seg.

Niclas Joensen er varaforseti í ÍSF.

Tríggjar silvurnálir vóru latnar í ár.

Tær fingu Petur Sigurd Johannesen, sum íðkar judo, Kári á Høvdanum, sum svimur, og Bergur Zachariassen, sum fæst við frælsan ítrótt.

Silvurmerki verður latið forfólki í sersambandi.

Tað verður eisini latið nevndarlimum í sersambondum, sum hava sitið í meira enn fimm ár.

Starvsnevndin kann eisini lata øðrum, sum hon heldur tað hava uppiborið, silvurmerkið.