Sissal fer at kunngera donsku stigini í Eurovision

Ein serlig løta í Eurovision-høpi er, tá ymsu londini lata síni stig. Vertirnir fara úr einum landi í annað, og spenningurin er í hásæti, tá tað frættist, hvussu londini hava styrkismett luttakararnar.

Fyri Danmark er tað finalisturin í fjør, Sissal, ið hevur fingið henda álitissessin.

- Eg skal vera í fullari mundering allan dagin, sigur Sissal í samrøðu við morgunsendingina. Hóast hon bara er á skíggjanum eitt lítið bil, er tað ein drúgv fyrireiking. Dagurin er halgaður til hesa uppgávuna.

Boðin til Wien

Sissal Jóhonnu Norðberg Niclasen stóð annars í boði at vera í Wien í sambandi við heimsins størstu tónleikakapping.

Eitt nú var hon biðin at framføra í Euro-village, har túsundtals eurovisionfjepparar koma saman.

- Tað kann eg uttan iva gera seinni, sigur Sissal, ið hevur góðar vónir um, at danska umboðið, Søren Torpegaard, fer at teljast millum tey fremstu tá avtornar.

Melodi Grand Prix Søren Torpegaard Lund, Sissal

Sissal hevur javnan samband við danska sangaran um Facetime.

- Njót tað eru bestu ráðini, eg kann geva honum, sigur Sissal.