Ísraelski herurin biður fólk rýma, áðrenn lopið verður á Libanon

Ísraelski herurin, IDF, heitir í dag á fólk í libanska býnum, Tyrus, um at flyta burtur, áðrenn býurin er fyri møguligum álopum.

Tað skrivar Ritzau tíðindastovan, sum endurgevur AFP-tíðindastovuna.

- Bráðávaring til allar íbúgvar í Tyrus, teirra millum fólk í kristnu økjunum og legum, og økjum nærhendis teimum, skrivar Avichay Adraee, sum er talsmaður hjá IDF, á miðlinum, X.

Herurin mælir fólki til, alt fyri eitt at fara heiman, og at fara norðurum ánna, Zahrani. 

Almenni, libanski miðilin, NNA, skrivar, at Tyrus skal vera álopin úr luftini.

Vanligt er, at Ísrael heitir á fólk í Libanon um at fara burtur, tá álop úr Ísrael eru í umbúna.

Iran leyp sunnudagin á Israel, afturfyri at Ísrael leyp á Beirut.