Trygdarætlan skal altíð vera á byggiplássum

Ein byggiharri skal síggja til, at HTU-ætlan altíð er tøk hjá starvsfólkum á plássinum, at hon verður regluliga dagførd, og at hon verður nýtt til trygdararbeiðið á byggiplássinum.

Tað eru treytirnar hjá arbeiðseftirlitinum um innrætting av byggiplássum, sum øll størri arbeiðspláss skulu halda seg til. 

So er spurningurin hvør, ið hevur evstu ábyrgd av byggingini á Hamrinum á Argjum?

Tað er LÍV Fastogn sum byggir, men tá ið Dagur og Vika spurdu stjóran í LÍV um viðmerking til arbeiðstrygdina á byggiplássinum, so vísti hann til Jóan Petur Vang, sum stendur fyri byggiarbeiðnum. 

Hinvegin er Tryggingarfelagið LÍV ein av stóru pengakassunum í føroyska samfelagnum. Stóru penganøgdirnar hava í mong ár verið settar í útlendskar íløgur, men seinnu árini er tryggingarfelagið farið undir at seta pengarnar í íbúðir og aðra fastogn í Føroyum. 

Sí innslag í Degi og Viku og samrøðu við Jan Jakobsen, stjóra í LÍV, sum var gestur í sjónvarpsstovuni.