Arkitekturpolitikkur gerast í Tórshavnar kommunu

Tórshavnar kommuna er farin undir at gera ein arkitekturpolitikk fyri alla kommununa.

Politikkurin skal seta kósina fyri framtíðar bygging og menning og vera eitt amboð, tá avgerðir verða tiknar um nýggja bygging og býarmenning.

Eitt nú skal størri dentur leggjast á at endurhugsa gamla býarskipan og at loyva bygging, ið torir at bjóða tí siðbundna av.

Eisini skal dentur leggjast á at skapa betri umstøður hjá fólki at ganga og súkkla og at fáa meira lív í almenna rúmið. 

Borgararnir skulu eisini takast við í arbeiðið og fáa møguleika at koma við sjónarmiðum og hugskotum.