Noreg seldi fisk fyri 66 mia. kr. í fjør

Noreg útflutti fiskavørur fyri 61 milliardir kr. í fjør, og tað er met.

Besta árið frammanundan var í 2010, tá Noreg útflutti fiskavørur fyri 53,8 milliardir kr. Størsta orsøkin er stóri eftirspurningurin eftir laksi, og tað hevur fingið prísin at hækka.

Sambært norsku útflutningsvinnuni var miðalprísurin fyri norskan laks slakar 40 norskar krónur fyri kg í fjør, og tað vóru 44 prosent hægri enn árið fyri.Ongantíð fyrr hevur Noreg útflutt so nógv av toski sum í fjør. Útlfutiningurin vaks meiri enn eina helvt, og prísurin var 19 prosent hægri enn árið fyri.

ES størsti keypari

Tað vóru serliga Svøríki og Bretland sum keyptu nógvan feskan tosk í fjør.

Russland er ein týdningarmikil keypari av norskum fiskavørum. Útflutningurin til Russlands í fjør var fyri 6,6 milliardir kr., og tað eru 10 prosent meiri enn árið fyri. ES keypir mest fisk úr Noregi. Í fjør fóru 59 prosent av útflutninginum til ES-londini.