Kæra avgerð um innferðarbann

Øll manningin, 21 fólk, á Bandero hevur kært avgerðina um tvey ára innferðarbannið, tey hava fingið. 

Tey eru øll víst úr Íslandi, og tey fyrstu fara helst haðani við flogfari longu nú í vikuni, skrivar Ruv.is. 

Tey 21 fólkini eru úr 13 londum.

Fyri tey, sum ikki eru ríkisborgarar í ES ella EFTA, er innferðarbannið galdandi fyri alt Schengenøkið.

Fyri hini er bannið bara galdandi fyri Ísland.

Liggur í Reykjavík

Bandero var tikin 30. juli, tá hvalabáturin Hvalur 9 bað um hjálp, tí hann kendi seg hóttan.

Politiið viðger eitt mál um tað. 

Bandero sigldi til Reykjavíkar, har skipið hevur ligið síðani.

Skipið hevur fingið forboð fyri at sigla.

At Bandero fer úr Íslandi við allari útvístu manningini tykist ikki vera ein loysn.