Mugu byggja tættari og hægri í Havn

Komið er at mørkum við lendisnýtslu í Tórshavnar kommunu, og byggjast má tí tættari og hægri

Tað segði Birita Wardum, býararkitektur, í 2. parti í útvarpsrøðini ”Oyggjar undir trýsti”

Sambært kommunuætlanini hjá Tórshavnar kommunu frá 2020 skulu 3.000 bústaðir byggjast aftrat í kommununi fyri 2032.

Birita Wardum

Kommunan er komin í helvt við hesi ætlan, men hon er støðugt í tvístøðu um lendisnýtsluna.

Birita Wardum, býararkitektur, sigur, at kommunan nú má byggja tættari og hægri enn fyrr, tí lendið er avmarkað:

Spurd, um býartætting ikki hevur við sær, at virðismikil grøn øki hvørva í býnum, svaraði hon, at talan er um val millum pest og kolera.

Annaðhvørt verður bygt tættari inni í býnum, ella má meira hagalendi takast. Við at byggja tættari og hægri verður minni lendi tikið til bygging.

Fyrstu sendingarnar í røðini 'Oyggjar undir trýsti' liggja á heimasíðu okkara.