Borgarstjóri spyr hvar pengarnir eru blivnir av

Fámjinstunnilin varð liðugur í fjør summar, og í juni í ár varð arbeiðið við vegnum oman í Fámjin tikið upp aftur.

Men nú er greitt, at játtanin upp á 10 milliónir krónur ikki røkkur. Mest átrokandi ábøturnar verða eftir ætlan lidnar móti ársenda, men skulu øll arbeiðini gerast liðug, mugu fleiri pengar játtast.

Tað kemur óvart á Jóanis Lisberg, borgarstjóra í Fámjin.

– Fámjiningar eru ógvuliga skuffaðir, sigur Jóanis Lisberg.

Hann vísir á, at pengar vórðu settir av til vegin í sambandi við tunnilsverkætlanina, og at ætlanin var, at teir skuldu røkka til at gera vegin lidnan.

Arbeiðið verður fyribils rundað av móti ársenda, tá játtanin er uppi.

Hoyr innslag í tíðindunum á nátturða: