KÍ fekk alneyðug stig í gýsara ímóti AB

Við málið til 4-3 í yvirtíðini frá innskifta Jonn Johannesen tryggjaði KÍ sær sigurin á AB og trý alneyðug stig í oddastíðnum í Meistaradeildini

Magnus Powell og KÍ fingu trý alneyðug stig í oddastríðnum við sigri á AB, men tað reið um snarið

Mynd: Finnur Justinussen/Leit

Símun Christian Olsen

17.08.2026 - 21:05

Tað sá ikki gott út hjá KÍ, tá Brian Jakobsen legði AB framum 3-2, tá bert 13 minuttir vóru eftir inni í Vika á Argjum, men tveir innskiftir spælarar fingu vent øllum síðstu løtuna.

Dávid Reynheim kom inn fyri Páll Klettskarð beint eftir seina leiðslumálið hjá heimaliðnum, og ungi framherjin javnaði fimm minuttir seinni. Langt inni í yvirtíðini avgjørdi Jonn Johannesen, sum eisini var komin av beinkinum eftir steðgin.

Tepri sigurin gav KÍ trý alneyðug stig í oddastríðnum í Meistaradeildini. Klaksvíkingar eru trý stig aftanfyri NSÍ, sum vitjar við Djúpumýru í oddabraki næsta sunnudag.

Aftur og fram

Erlend Hustad og Páll Klettskarð góvu KÍ tvey máls leiðslu, áðrenn Bjarki Nielsen minkaði um munin fyri steðgin.

Miðskeiðis í seinni hálvleiki javnaði Obule Sunday Moses, áðrenn Brian Jakobsen legði heimaliðið á framum í 77. minutti - áðrenn Dávid Reynheim og Jonn Johannesen bjargaðu føroyameistaranum.