Fólk uttan bústaðartilknýti umboða helvtina av fólkavøkstrinum

Fleiri fólk uttan bústaðartilknýti eru nú í fólkavøkstrinum í Føroyum.

Nú standa fólk við og uttan bústaðartilknýti fyri hvør sínari helvt í fólkavøkstrinum. 

Fólk, sum ikki hava bústaðartilknýti, hava annars bara verið ein fjórðingur.

Frá 2024 og fram til mars í ár stavaði størsti parturin av árliga fólkavøkstrinum frá fólki við bústaðartilknýti, skrivar Hagstovan.

Føroyskt bústaðartilknýti hava tey, sum hava búð helvtina av lívinum, ella sjey av 10 samanhangandi árum, í Føroyum eina ferð í lívinum.

1. juli vóru tey 93,6 prosent av fólkatalinum í Føroyum. Hetta prosenttalið hevur ongantíð verið minni.