Smábátur tók sjógv inn uttan fyri Slættanes í Vágum

Seinnapartin í gjár byrjaði ein smábátur at taka sjógv inn uttanfyri Slættanes í Vágum.

Tvey fólk vóru við og vórðu fingin av bátinum áðrenn hann sakk. Tað var ein annar bátur í økinum, sum kom fólkunum til hjálpar.

Fyrrapartin í gjár var ein maður skuldsettur fyri brot á skilhaldsreglurnar, tí hann var til ampa í forhøllini á Landssjúkrahúsinum og uttan fyri sjúkrahúsið.

Tað sigur vakthavandi á politistøðini.

Og í gjár var ein bilførari tikin fyri at koyra ávirkaður av rúsevnum og politiið tók eisini sjey prutl í Runavík.

Politiið fer nú at kanna um prutlini eru tunað at koyra skjótari.

Loyvda hámarksferðin hjá teimum er 30 km/t.