Frágreiðing um faðirleysar grønlendingar einki verd

Frágreiðingin, sum danska stjórnin hevur bílagt um teir sonevndu "løgfrøðiliga faðirleysu" grønlendingarnar, er á gáttini.

Men spyrst tú Tidu Sigurdsdatter Ravn, sum er millum teir 8.000 løgfrøðiligu faðirleysu, er frágreiðingin lítið og einki verd.

66 ára gamla Tida Sigurdsdatter Ravn hevur saman við 25 øðrum faðirleysum grønlendingum stevnt danska Almannamálaráðnum við kravi um endurgjald. 

Rættarmálið byrjar í landsrættinum 31. oktober.

Málið snýr seg í stuttum um, at umleið 8.000 grønlendingar eru løgfrøðiliga faðirleysir, tí páparnir - ofta danir; men eisini føroyingar - fram til 1974 ikki høvdu skyldu at viðurkenna tey børn, sum teir fingu við grønlendskum kvinnum.

Í 2014 varð lógin broytt soleiðis, at tey løgfrøðiligu faðirleysu kunnu fáa møguleika at staðfesta, hvør pápin er. Hendan møguleika brúkti Tida Sigurdsdatter Ravn sjálv.

Hoyr samrøðu, sum Sigrún H. Brend gjørdi við Tidu Sigurdsdatter Ravn í útvarpstíðindunum: