Kommunustjórin í Runavík farin úr starvi

Kommunustjórin í Runavíkar kommunu er farin úr starvinum. Tað veit Kringvarpið.

Sæunn Lamhauge Nolsøe hevur verið kommunustjóri í Runavíkar kommunu síðan juni í 2024. Hon er fyrsti og einasti kommunustjórin, sum Runavíkar kommuna hevur havt. Men nú er hon ikki longur á starvsfólkayvirlitinum hjá kommununi.

Kommunustjórin er næsti ráðgevari hjá borgarstjóranum og býráðnum, og er samstundis ovasti leiðari fyri miðfyrisitingini í kommununi, undir borgarstjóranum.

Kringvarpið hevur roynt at fáa eina viðmerking frá ávíkavist Torbirni Jacobsen, borgarstjóra, og Sæunn Lamhauge Nolsøe, fyrrverandi kommunustjóra í Runavík, men tey hava onga viðmerking til málið.

Borgarstjórin hevur heldur onga viðmerking til, um ella nær lýst verður eftir einum nýggjum kommunustjóra.