Løgregluni vantar starvsfólk

Løgregluni í Føroyum vantar starvsfólk. 

Tað váttar Claus Birkelyng, chefpolitiinspektørur, í samrøðu við fakblaðið Dansk Politi. 

- Okkum manglar 8-10 politistar, og tað ger, at vit stundum hava ilt við at fáa vaktarætlanirnar at hanga saman, sigur Claus Birkelyng í greinini, sum er endurgivin á Portalinum.

Fyri at bøta um støðuna hava danskir avloysarar arbeitt í Føroyum í summar. 

Sambært greinini starvast 107 fólk hjá løgregluni í Føroyum. Normeringin er 117 fólk.

Eyðun Dalsgarð, Politistafelagið, Føroya Politistafelag

Fáa sær onnur størv

Eyðun Dalsgarð, formaður í Politistafelag Føroya, sigur við Dansk Politi, at støðan við starvsfólkatroti hevur við sær, at føroyskir politistar leita sær burtur í onnur størv.

- Føroya Politi virkar sum eitt slag av dagligum eldsløkkingum. Sálarliga arbeiðsumhvørvið er undir hørðum trýsti, og tí síggja vit fólk søkja burtur, sigur Eyðun Dalsgarð í greinini hjá fakblaðnum Dansk Politi, ið er endurgivin á Portalinum.