Vísir atfinningum um ræðisrætt hjá festarum aftur

- Eg taki støði í tí veruleika sum er.

Tað sigur Jacob Vestergaard, landsstýrismaður í landbúnaðarmálum, sum vísir aftur atfinningunum frá Bjarna Kárason Petersen, í samband við grein 52-fyrispurning um, hvussu langt ræðisrætturin hjá festarum røkkur.

Hann sigur, at hann setti spurningin, tá tað frættist mann er farin at taka pengar fyri atgongd til Kirkjubømúrin og Ólavskirkjuna

Bjarni Kárason Petersen sigur seg ivast, um tað er umsitingin í Vinnumálaráðnum, ella ein uttanhýsis advokatur, sum hevur skrivað svarið til sín.

Jacob Vestergaard vil ikki siga, hvør hevur skrivað svarið, men sigur, at tað er hann, sum hevur ábyrgdina av svarinum. 

Ein onnur atfinning snúði seg um, hvørt festari er at meta sum eigari.

Jacob Vestergaard stendur við sítt.

Hoyr innslag í útvarpstíðindunum: 

Sí eisini: Ivast um svarið er frá umsitingini ella uttanhýsis advokati