Ivast um svarið er frá umsitingini ella uttanhýsis advokati

- Tú kanst ikki líta á, um svarið er frá umsitingini, ella frá einum advokati í býnum. 

Tað sigur Bjarni Kárason Petersen um svar frá Jacobi Vestergaard, landsstýrismanni, um markið millum ræðisrættin hjá festarum og onnur samfelagslig áhugamál.

Í viðmerkingunum til fyrispurningin sigur tingmaðurin hjá Framsókn, at í almenna rúminum sæst tann fatanin, at tað at hava landsjørð í festi gevur festaranum víðfevndan ræðisrætt yvir øllum virðum, ið staðsett eru á festinum.

Hann vil at fáa greiðu á, hvar grundleggjandi markamótið er millum landbúnaðarliga ræðisrættin hjá festaranum og aðrar almennar heimildir og samfelagslig áhugamál, sum kunnu vera knýtt at sama øki.

Jacob Vestergaard hevur svarað øllum spurningum undir einum. Og tað er Bjarni Kárason Petersen ikki fegin um.

Hann ivast í, hvør hevur skrivað svarið.

Hoyr innslag í útvarpstíðindunum: 

Alt svarið kann lesast her.