Kreml: Zelenskyj skal koma til Moskva at samráðast

Skulu nýggjar friðarsamráðingar vera millum Russland og Ukraina, skal forsetin í Ukraina, Volodymyr Zelenskyj, koma til Moskva.

Tað sigur Kreml, sambært Reuters tíðindastovuni.

Kravið, sum Russland áður hevur sett, kemur nú í kjalarvørrinum á, at amerikanski forsetin, Donald Trump, seint gjár segði, at russiski forsetin, Vladimir Putin, var sinnaður at hittast fyri at enda kríggið.

Kreml sigur tó, at í løtuni eru ongar ætlanir um fleiri samráðingar millum Russland og Ukraina. Kreml heldur eisini, at í løtuni eru ongar fortreytir at taka samráðingarnar uppaftur.

Trump hitti Zelenskyj í sambandi við ST-aðalfundinum í gjár, har teir tosaðu um møguleikarnar at enda kríggið, sum hevur vart í meira hálvtfimta ár.

Zelenskyj segði sjálvur, at hann er til reiðar at hitta Putin, "nær tað skal vera", skrivar NTB-tíðindastovan.