Kunnu seta serlæknar, hóast eingin játtan er til serlæknapulju

Tað ber til at seta serlæknar, hóast eingin serlæknapulja er i fíggjarlógaruppskotinum hjá landsstýrinum fyri 2027.

Tað kann gerast, har tøk normering er og sambært tilmæli í menningarætlanini fyri sjúkrahúsverkið frá 2016.

Tað tilmælið sigur, at peningur, sum verður brúktur til konsulentar og uttanlandsviðgerð, eigur at vera brúktur til at fáa serlæknar í fast starv.

Í dag eru tøkar normeringar, sum fastsettir serlæknar kunnu fáa. Men í staðin verða brúktir konsulentar. 

Dýrari enn serlæknar

Menningarætlaninin sigur, at konsulentar eru nógv dýrari enn serlæknar. Og verri fyri sjúklingin.

Tað sigur Eyðdis Hartmann Niclasen, landsstýriskvinna, i svari til Hervør Pálsdóttur, løgtingskvinnu.

Menningarætlanin mælti til at játta fimm milliónir krónur um árið til serlæknar árini 2017 til og 2020.

Men løgtingið hevur eisini latið fimm milliónir um árið árini 2021 til 2026.

Sambært Sjúkrahúsverkinum er neyðugt at økja verandi normering frá fýra til seks serlæknar fyri at tryggja neyðugu manningina.

Les alt svarið her.