Realurin selt Ednu

Realurin selt Ednu
Realurin hevur longu selt trolaran Ednu, sum varð keyptur á tvingsilsuppboði 29.januar fyri 2,1 millión krónur
 
21.02.2014 - 08:58

Eitt partafelag undir stovnan, sum Thor í Hósvík varðar av, keypir skipið frá Realinum.

Partarnir eru samdir um ikki at upplýsa prísin, sigur Leivur Michelsen, stjóri í Realinum.

Skipið skal klassast og onkrar ábøtur skulu eisini gerast, áðrenn Edna fer aftur í vinnu.

Edna, sum er smíðað á Skála í 1984, hevur veiðiloyvi. Í løtuni hevur skipið tó einki fiskiloyvi, tí tað hevur ligið síðani fyrst í september í fjør.

Á tvingsilsuppboðnum í Fútarættinum boðaði advokaturin hjá Eik frá, at hann hevði júst biðið Skiftirættin koyra gamla reiðaríið hjá Ednu, smápartafelagið Undir Vørðuni í Havn, á húsagang.

Eik var við til at fíggja Ednu og átti nakrar milliónir til góðar, tá trolarin fór undir hamaran.

Realurin hevði fyrsta veðrætt í Ednu, slakar sjey milliónir krónur.

Er kopiera
Nýggjastu sendingar í ÚV
Hósdag 10. apríl
Góðan morgun Føroyar
190533
Hósdag 10. apríl
Brot úr Føroya søgu
190532
Mikudag 9. apríl
Mono - Passions Just Like Mine (4:5)
190509
Týsdag 8. apríl
LEITISSTEIN 08.04.2025 (Hettarher)
190455
Nýggjastu sendingar í SV
Mikudag 9. apríl
Undansending: Føroyar - Litava
190512
Týsdag 8. apríl
Dagur og vika - teknmálstulkað
190454
Týsdag 8. apríl
Veðrið
190447
Týsdag 8. apríl
Fótbóltur: Føroyar - Gibraltar
190450