Ein millión bretar hava víkingaílegur

<p>Kanningin vísir, at 930.000 núlivandi bretar eru beinleiðis eftirkomarar hjá víkingum. Tað sæst í mynstrinum í einum y-kromosomi, ið&nbsp;so at siga ikki finst uttanfyri Skandinavia annars, men er funnið hjá áðurnevndu bretum.</p>

<p>Tað eru lutfalsliga flestir eftirkomarar at finna á Hetlandi, har kanningar vísa, at nærum triðingurin eru berarar av víkingakromosominum. Tað skrivar <a href="http://www.kristeligt-dagblad.dk/artikel/548969:Danmark--Vikingegener-ho... target="_blank">Kristeligt Dagblad</a>&nbsp;í dag.</p>

<p>Eisini á Orknoyggjum og norðanfyri í Skotlandi eru lutfalsliga nógvir eftirkomarar at finna. Tað eru einans menn, sum bera víkingablóðið í sær. Tað arvast frá faðir til son.</p>

<p><strong>Granskingarúrslit kom óvart á granskararnar</strong></p>

<p>Víkingar rændu ikki einans bretsku oyggjarnar fyri 1000 árum síðani. Nógvar búsetingar eru eisini at finna, sum vísa, at víkingar eisini búsettu seg á bretsku oyggjunum, eins og teir gjørdu her heima.</p>

<p>Tað er granskarar á Lærda háskúlanum í Edinburgh og á fyritøkuni Britains DNA, sum hava gjørt kanningarnar. Hugt var serliga eftir nøkrum kromosomvariantunum, sum eru teir somu sum finnast í Føroyum og í Íslandi og Norra, men ikki í Danmark.</p>

<p>Tað kom heldur óvart á granskararnar, at øgiliga lítið skandinaviskt víkingablóð var at finna í Írlandi.</p>