Rán í Havn

Í gjárkvøldið um hálvgum tólv tíðina fekk politiið fráboðan um eit rán viði BankNordik í Húsagøtu í Havn.

Eitt starvsfólk í SMS var á veg í bankan við kassainnihaldinum, tá tveir persónar, sum vóru í masku, løgdu á hana.

Tey komu til hendurs, men starvsfólkið fekk vart so mikið fyri seg, at maskeraðu persónarnir bara fingu ein part av pengunum við sær. Eftur hettar rýmdu persónarnir móti Tinghúsvegnum.

Kári Hentze, sum er dagligur leiðari fyri matstovunum í SMS, sigur, at peningurin var í trimum mappum. Ránsmenninir fingu barat eina mappu og í henni var minst av peningi.

Roknskapurin er enn ikki gjørdur, men í gjár vóru helst okkurt um 10.000 krónur, sum skuldu í bankan.

Kári Hentze, sigur, at tey hava fastar mannagongdir, tá peningur skal berast í bankan. Tey eru altíð tvey, sum fara við pengunum, oftast eitt starvsfólk og eitt vaktarfólk. Men av tí, at talan var um ikki so stóra upphædd í gjárkvøldið, er starvsfólkið helst, fyri at bera skjótt at, farið einsamalt yvir í bankan.

Í sambandi við ránið, sóknast løgreglan eftir einum svørtum BankNordik pengalumma, sum kann vera tveittur burtur.

Maskurnar, sum vórðu brúktar, høvdu "deydninga høvd", sigur politiið. Maskurnar eru ikki funnar.

Málið verður nú kannað, og vil løgreglan fegin hoyra frá fólki, sum kunnu hava sæð og ella hoyrt eitthvørt í samband við ránið í gjárkvøldið. 

Politiið hevur telefonnummar 351448