Lærari dømdur fýra mánaðar fongsul

<p>Føroya rættur hevur dømt ein 41 ára gamlan fólkaskúlalærara fýra mánaðar fongsul fyri kynsligan ágang móti eini gentu, sum hann var lærari hjá. Tveir mánaðir eru tó treytaðir.</p>

<p>Sambært ákæruritinum skuldi maðurin í minsta lagi tvær ferðir hava nomið við gentuna og í minsta lagi eina ferð hava roynt at fingið gentuna at nema við seg.</p>

<p><strong>SÍ EISINI <a href="http://kvf.fo/greinar/2014/01/29/logreglan-kannar-mal-um-kynsliga-misnyt...øgreglan kannar mál um kynsliga misnýtslu í skúla</a></strong></p>

<p>Sambært ákæruritinum byrjaði kynsligi ágangurin í desembermánaði í 2008, tá gentan var 13 ára gomul. Maðurin skal eisini rinda gentuni 20.000 krónur í endurgjaldi.</p>

<p>Ákæruvaldið kravdi, at maðurin skuldi missa rættin at arbeiða sum lærari. Men dómarin fríkendi mannin í hesum, tí maðurin hevur seinastu fimm árini, - altso síðani hendingina í 2008, verið lærari uttan líknandi støður hava tikið seg upp.</p>