Valið til Evropatingið byrjað

<p>Í morgin verður val í Írlandi og Kekkia, meðan veljararnir í Letlandi og á Malta fara at velja leygardagin. Sunnudagin verður val til ES-tingið í hinum 21 limalondunum, millum annað Danmark.&nbsp;</p>

<p>ES-nevndin stúrir fyri, at úrslitið av valinum í Bretlandi og í Hollandi kann ávirka valið í hinum londunum, og tí verður úrslitið ikki almannakunngjørt, fyrr enn veljararnir í øllum londunum hava valt.</p>

<p>Holland hevur somu valskipan sum vit, og tí skal úrslitið almannakunngerast, so skjótt sum tey 9.000 valhølini hava latið aftur í kvøld. Fleiri av stóru bløðunum fylgja valinum, og tey siga seg fara at almannakunngera úrslitið so skjótt valið er av.</p>

<p>Spenningur er um valið í Bretlandi og Hollandi, tí í báðum londunum eru tað ES-mótstøðuflokkar, sum hava staðið seg best í veljarakanningunum. Endaliga úrslitið av valinum verður tøkt klokkan 11 sunnukvøldið.</p>