Pauli Poulsen nýggjur venjari hjá Skála

Fótbóltsfelagið Skála skrivar á heimasíðuni, at felagið hevur sett Paula Poulsen sum venjara.

Hann avloysir Eliesar Olsen, sum gavst í starvinum í gjár.

Pauli Poulsen kennir væl til umhvørvið, tí hann er uppvaksin í felagnum.

Pauli hevur umframt KÍ fyrr verið venjari hjá Skála, NSÍ og B68.

Skála er í løtuni niðast í Effodeildini við fimm stigum fyri trettan dystir.

Fyrsti dysturin hjá Paula Poulsen, sum venjari hjá Skála, verður sunnudagin, tá AB vitjar á Skála.