Havstovan: Toskurin og hýsan í undantaksstøðu

Veiðutrýstið á tosk og hýsu á Landgrunninum er nær við langtíðar málið og fyri tosk er hetta fyrstu ferð síðani miðskeiðis í 1990‐árunum. Men av ti at stovnarnir av toski og hýsu eru søguliga smáir, og mugu metast at vera í einari undantaksstøðu, er neyðugt við eini endurreisingarætlan.

Tað sigur Havstovan í tilmæli sínum til Jacob Vestergaard, landsstýrismann í fiskivinnumálum.

Havtsovan sigur, at neyðugt er við enn minni veiðitrýsti eitt tíðarskeið, til stovnarnir eru komnir fyri seg aftur.

Bæði toska‐ og hýsustovnurin á Landgrunninum eru í einum longum tíðarskeiði við vánaligari tilgongd, og hvørki stovnsmetingar, yngulkanningar ella ætikanningar benda á bata næsta fiskiár. Tilmælið frá Havstovuni er lagað til hesi døpru útlit.

Hóast upsastovnurin er væl betri fyri enn toska‐ og hýsustovnurin, so verður mælt til sama niðurskurð, tí at veiðutrýstið er ov høgt. Tað er ikki haldgott í longdini, sigur Havstovan.

Sí tilmælið her:

Tilmæli frá Havstovuni