Grundlógaravhoyring um illgrunasaman deyða

Politiið fekk klokkan eitt korter til tólv í gjár fráboðan um eitt deytt fólk í Hvalba. 
Tá politiið kom á staðið, varð staðfest, at ein 36 ára gamal maður var deyður. 
Politiið kannar nú málið sum illgrunasaman deyða.

Tveir menn handtiknir
Beint fyri klokkan trý í gjár boðaði politiið frá, at tveir menn, annar er 23 ára gamal og hin 39, vóru tiknir í sambandi við málið. 
Deyði maðurin varð funnin í einum sethúsum í Hvalba, sum politiið hevur avbyrgt, meðan umstøðurnar har verða kannaðar.
Politiið vil ikki upplýsa meira um málið. Men í tíðindunum klokkan tvey hava vit samrøðu við Jón Klein Olsen, kanningarleiðara.

Vil politiið hava fólk, sum eru handtikin, varðshaldsfongslað, skulu tey fyri ein dómara, tey skulu í grundlógaravhoyring, áðrenn 24 tímar eru lidnir síðani handtøkuna.