Kláraðu ikki at lensa tíggjumannafar

Stutt eftir døgurða í gjár kom Brimil á Vestmanna við tíggjumannafarinum Urðardrangi.

Urðardrangur fór fyrrapartin at leka norður úr Barðinum á Vágoynni. Tveir mans vóru við Urðardrangi. Teir kláraðu ikki at halda lens og bóðu tí um hjálp.

Hvidbjørnen og Brimil, sum báðir vóru á leiðini, vóru skjótir hjá Urðardrangi, upplýsir Vørn.

Pumpa bleiv sett um borð á Urðardrang, og hann fekst lens aftur. Síðani tók Brimil bátin inn á dekkið og fór við honum á Vestmanna, haðani báturin er.