Nýggjar upplýsingar komnar fram

<p>Tað boðar Føroya Rættur frá í dag.</p>

<p>Talan er um ein nú 42 ára gamlan mann, sum, sambært ákæruvaldinum, í 2001 og í 6 mánaðir í 2004 og 2005 meira enn 50 ferðir skal hava misbrúkt eina gentu, tá hon var 4-5 ára gomul og aftur tá hon var 7-8 ára gomul.</p>

<p><strong>Ikki samsvar</strong></p>

<p>Tá maðurin, fyri viku síðani, varð avhoyrdur í rættinum, var ikki samsvar við&nbsp;nær hann segði seg hava&nbsp;verið í Føroyum, og tíðarskeiðið, sum gentan hevur greitt frá, at hon varð misnýtt.</p>

<p>Dómarin sigur, at málið verður tikið uppaftur, og enn er ikki greitt, um gentan skal avhoyrast aftur. Maðurin er fyrr dømdur fyri kynsligan ágang, - í 2006 og í 2011 fyri blygdanarskemd.</p>

<p>Ákæruvaldið kravdi mannin dømdan tvey og eitt hálvt ára fongsulsrevsing, umframt at gentan skal fáa 35-túsund krónur í endurgjaldi.</p>