Foreldur fáa fýra milliónir meira frá landinum

Stakir uppihaldarar fáa 4.012 krónur meira fyri hvørt barnið næsta ár, um løgtingið samtykkir fíggjarlógaruppskotið hjá landsstýrinum.

Barnaískoytið er nú 6.588 kr. um árið. Tað fer upp í 10.000 kr. Hækkingin kostar landskassanum fýra milliónir næsta ár. Játtanin fer úr átta upp í 12 mió. kr.

Í álitinum um eitt føroyskt fátækramark, sum kom fyrr í ár, varð víst á, at í Føroyum er ein bólkur fram um øll onnur, sum eru fátøk, og í tí bólkinum eru stakir uppihaldarar. 

Og teir fýra andstøðuflokkarnir hava eisini uppskot um at hækka barnaískoytið upp í 10.000 kr. um árið.