Bakteriur í steiktum høsnarunga kunnu smitta

Norska matvørueftirlitið skrivar í kostráðum sínum, at nóg mikið er at steikja høsnarungan, hóast 32 prosent av øllum høsnarungabringum, sum verða seldar í handlum, eru smittaðar við antibiotika-mótstøðuføru bakteriuni ESBL. 

Men granskarar eru ósamdir við matvørueftirlitið í, at tað hjálpir at steikja. 

- Bakteriurnar, sum eru á skinninum, doyggja møguliga tá tú steikir kjøtið, men arvaevnini inni í bakteriuni eru harðførari. Og tað eru júst mótstøðuføru ílegurnar, sum vit ræðast, og tær kunnu verða upptikin í tarminum, tá tú hevur etið kjøtið, sigur professarin í kliniskari mikrobiologi á lærda háskúlanum í Tromsø, Ørjan Olsvik. 

Oyðilagda DNA'ið

Yvirlæknin á norska Fólkaheilsustovninum, Martin Steinbakk, er lutvíst samdur við Ørjan Olsvik.

- Hiti oyðileggur oftast DNA'ið, men hvussu nógv hann oyðileggur, er treytað av hita og hvussu hitin er. '

Og tað er higartil óvist, í hvønn mun tarmbakteriurnar upptaka oyðilagda DNA'ið, sigur Steinbakk. 

Sissar

Stipentatur á djóralæknafrøðideildini , Solveig Sølverørd Mo, er ósamd.  

- Ástøðiliga sæð, er tað kanska mikroskopiskur møguleiki fyri, at okkurt av DNA'num yvirlivir, men tað er ikki nakað, sum síggja nakran vanda í, sigur hon.

Matvørueftirlitið sigur við fjølmiðlar, at fyribils eru ongar ætlanir um at broyta kostráðini.