Grønlendingar stúra fyri málinum

<p>Á kunningarfundi í eysturgrønlendsku bygdini, Tasiilaq, har 50 fólk møttu, varð niðurstøða gjørd, og hon er greið: íbúgvar í Eysturgrønlandi kenna seg verða fyri myndugleikamissi, og at tey ikki verða viðfarin á sama hátt fólk í Vesturgrønlandi, serliga tá tað snýr seg um málið.</p>

<p>- Íbúgvarnir eru stúrnir fyri málinum, tí ungdómurin í Eysturgrønlandi misskilir eysturgrønlendska málið, og fleiri ung í Eysturgrønlandi duga heldur ikki eystur-grønlendskt, sigur Ida Mathiassen, verkætlanarleiðari fyri semjunevndina.</p>

<p><strong>Íbúgvar eru fyri vanbýti</strong></p>

<p>Ida Matthiasen vísir á, at allar lærubøkur í skúlunum eru á vesturgrønlendskum, undirvísingin er á vesturgrønlendskum og sjálvt gudstænasturnar eru á vesturgrønlendskum.</p>

<p>Íbúgvarnir kenna seg eisini vera fyri vanbýti. Teir halda seg ikki fáa somu tænastu, nú kommunur eru lagdar saman í størri eindir, sigur Ida Mathiassen.</p>

<p>Semjunevndin skal vitja grønlendskar bygdir og býir, og skapa sær eina mynd av grønlendska samleikanum í Eystur- og Vesturgrønlandi. Nevndin kemur saman aftur í Nuuk í januar.</p>