- Tíðindi, mentan og ítróttur
Ebola elvir til ótta í USA
Ebola elvir til ótta í USA
Løgregla avbyrgdi amerikanska verjumálaráðið, tá ið ein kvinna spýði nærhendis.
![](https://kvf.fo/sites/default/files/styles/grein-ovasta-mynd/public/ebola.jpg?itok=1gWZPdru)
Arlington í Virginia 17. oktobur 2014. Fram um alt elvir ebola til ótta.
Mynd: Kevin Lamarque
17.10.2014 - 22:55
At ein sjúk kvinna segði seg hava verið í Liberia, fekk myndugleikar í USA at seta stóra tilbúgving í verk.
Kvinnan spýði, eftir at hon var komin úr einum bussi í nánd av amerikanska verjumálaráðnum.
Løgreglan stongdi inngongdina til ráðið beint við, og eitt væl mannað heilsulið kom á staðið.
Óttin fyri ebola gjørdi, at kvinnan varð avbyrgd eins og fleiri onnur, sum vóru við henni í bussinum.
Sambært tíðindastovuni, AP, vístu kanningar, at kvinnan hvørki var smittað ella hevði verið í Afrika.
Nýggjastu sendingar í ÚV
Nýggjastu sendingar í SV