Maður á sjógv í Funningsfirði

Ein 83 ára gamal maður fór á sjógv í Funningsfirði í gjárkvøldið. Hann var deyður, tá hann kom á Landssjúkrahúsið.

Maðurin, sum búði í Funningsfirði, var sjálvur annar komin heim av útróðri. Hann fór úr bátinum niðan í neystið eftir onkrum, men bráddliga sær hin maðurin hann liggja í sjónum. 

Politiið fekk fráboðanina klokkan sjey minuttir í seks í gjárkvøldið. Ikki ber til at siga, hvat er hent, men líksýn verður í dag fyri at staðfesta, hví maðurin doyði.