Størsti lønarvøkstur í sjey ár

<p>Í fjør vórðu goldnar 7,6 milliardir krónur í lønum í Føroyum. Tað eru 5,7 prosent meira enn í 2013. Hetta er størsti vøkstur síðani 2008, tá vøksturin var átta prosent, upplýsir <a href="http://www.hagstova.fo/fo/tidindi/2015/01/storsta-framgongdin-i-lonunum-... target="_blank">Hagstovan</a>.</p>

<p>Lønarvøkstur var í flestu vinnugreinum í fjør. Bara í vinnugreinunum “Postur og samskifti” og “Fígging og trygging” var minni goldið í løn í fjør enn árini framvegis. Størsti lønarvøksturin í fjør var í flutningsvinnuni á sjógvi og landi, 14,5 prosent.</p>

<p>Ein støðugt vaksandi partur av lønargjaldingunum í Føroyum kemur frá tænastuvinnum, almennum og privatum, men parturin hjá framleiðsluvinnunum minkar. Framleiðsluvinnan átti næstan 50 prosent av lønunum fyri 30 árum síðani. Nú eigur hon 30 prosent.</p>