Kavaódn rakar 60 milliónir amerikanarar

Samferðslan liggur lamin, skúlar eru stongdir og gøturnar eru manntómar nógva staðni, eftir at útivið ein metur av kava er komin niður í landnyrðingsøkinum í USA síðan mánakvøldið.

Sí myndir niðast í greinini

Hóast eitt størt økið í landnyrðingsøkinum er rakt, er støðan kortini ringast í Boston, har mesti kavin er komin niður. Eisini New York er hart raktur, nú kavaódnin Juno ger um seg.

Greinin heldur fram niðanfyri
 

New div after blockquote

Driving ban lifted in New York City - follow our #BlizzardOf2015 coverage http://t.co/fMZZgzukmV pic.twitter.com/oeAC8ip577

— BBC Breaking News (@BBCBreaking) January 27, 2015

- Støðan er hættislig, sigur Andrew Coumo, guvernørur í New York, har myndugleikarnir hava lýst koyriforboð. Koyriforboðið varð kortini sett úr gildi aftur fyri løtu síðan.

Amerikanarar kunnu kortini fegnsat um, at kavaódnin Juno skjótt er av, og at veðrið fer at batna. Veðurfrøðingar meta, at ódnin er av seinni í vikuni.

Miðlar í New York skriva á netinum, at allar gøtur í býnum so at siga eru manntómar, eftir at 60-90 sentimetrar av kava eru komnir niður onkrastaðni í statinum New York.

Greinin heldur fram niðanfyri
 

New div after blockquote

What does #blizzardof2015 look like? This is how the storm has been unfolding: http://t.co/pnaPczrbFY pic.twitter.com/tm6qZm86RC

— CNN (@CNN) January 27, 2015

Myndugleikarnir í fleiri býum hava sent út áheitanir, har heitt verður á fólk um at halda seg innandura, nú kavaódnin Juno ger um seg í fleiri stórbýum í landnyrðingsøkinum.

Føroyingur í New Jersey: Veðrið er ikki so ringt

Herviliga kavaódnin, ið hevur rakt landnyrðingspartin í USA, er kortini ikki heilt so hervilig, sum miðlar hava boðað frá, síðan fyrsti kavin legðist mánadagin.

Tað skal takast við einum ávísum fyrivarni, at landnyrðingsøkið í USA er so hart rakt, sum amerikanskir miðlar annars skriva, sigur ein føroyingur við portal.fo

- Kavaódnin er eitt flopp, tí tað bleiv ikki so ringt, sum fyrst varð mett, sigur Pætur í Skemmuni, ið býr í New Jersey, í samrøðu við Portalin í dag.