Øll skulu fáa upplýsingar um skrokknummarið

Landsstýrismaðurin í vinnumálum hevur tikið stig til, at bilasølur, bilverkstøð, eykalutaumboð og onnur kunnu fáa upplýsingar um skrokknummar á bilinum, við at upplýsa skrásetingarnummar, og á tann hátt fáa atgongd til teknisku viðurskiftini í bilinum.

Johan Dahl, landsstýrismaður, hevur svarað einum fyrispurningi frá Kára P. Højgaard, løgtingsmanni.

Hann spurdi, hví tað ikki ber til í Føroyum, eins og í grannalondunum, at fáa allar upplýsingar á netinum um eitt akfør, við at upplýsa skrásetingarnummarið.

Johan Dahl sigur, at tað er einki, sum forðar fyri at fáa upplýst skrokknummar á bilinum, við at upplýsa skrásetingarnummarið, sum bilurin hevur.