Kommunur góðtaka ikki rokning fyri viðgjørd fólk

Kommunur góðtaka ikki rokning fyri viðgjørd fólk
Kommunufelagið vil fyrst hava greiði á ábyrgdarbýtinum millum kommunurnar, Almannamálaráðið og Heilsumálaráðið
 
10.03.2015 - 13:28

Kommunurnar fara at mótmæla uppskotinum hjá Karsteni Hansen, landsstýrismanni, um at lata kommunurnar gjalda fyri fólk, sum eru á sjúkrahúsi, hóast tey eru liðugt viðgjørd har.

Kommunufelagið segði í hoyringarskrivinum um lógaruppskotið, at felagið tekur undir við uppskotinum, men við teirri treyt, at kommunurnar fáa pengarnar frá landinum saman við pengunum, sum kommunurnar fáa til eldraøkið og heimarøktina.

Men kommunurnar fingu ikki pengarnar, og tí góðtaka tær ikki, at tær frá í summar fara at fáa rokning fyri fólk, sum eru á sjúkrahúsi.

Ikki øll, sum eru liðugt viðgjørd á sjúkrahúsi, kunnu fara haðani, tí hvørki heimarøkt ella røktarheimspláss eru tøk í kommununi, tey eru skrásett í.

Lógarbroytingin, sum er komin í løgtingið, skal koma í gildi 1.juni.

Kommunurnar eiga ábyrgdina

Av tí at kommunurnar frá 1.januar í ár hava ábyrgdina av heimatænastu og eldrarøkt, heldur Karsten Hansen, at kommunurnar eisini eiga at bera útreiðslurnar, sum sjúkrahúsini fáa, tá tey ikki kunnu útskriva sjúklingar, sum eru liðugt viðgjørdir, til kommunalu heimatænastuna og eldrarøktina. 

Kommunufelagið vil eisini fyrst hava greiðu á ábyrgdarbýtinum millum kommunurnar, Almannamálaráðið og Heilsumálaráðið, tá fólk av ymsum orsøkum ikki kunnu fara av sjúkrahúsi.

Sambært tølum, sum Heilsumálaráðið hevur frá sjúkrahúsunum, vóru 38 liðugt viðgjørd fólk á teimum trimum sjúkrahúsunum í fjør, tey høvdu 2.366 innleggingardagar.

Væntaða útreiðslan hjá kommununum verður, sambært Heilsumálaráðnum, okkurt um tvær milliónir krónur um árið.

 

Er kopiera
Nýggjastu sendingar í ÚV
Fríggjadag 23. mai
RagnarRokk: Mr.Lordi um Limited Deadition
192292
Fríggjadag 23. mai
Morgunlestur fríggjadagur 23.mai 2025
192149
Hósdag 22. mai
RagnarRokk 22.mai 2025
191036
Hósdag 22. mai
«Biðið, og tit skulu fáa»
192240
Nýggjastu sendingar í SV
Fríggjadag 23. mai
Dagur og vika - teknmálstulkað
192266
Mikudag 21. mai
Eftir Vørðunum - teknmálstulkað
192195
Mikudag 21. mai
KAKUMiKS (2:7) - teknmálstulkað
192190
Mikudag 21. mai
Dagur og vika - teknmálstulkað
192158
Týsdag 20. mai
Veðrið
192138