Somaliskir sjórænarar dømdir 14 ára fongsul

Teir vórðu ákærdir fyri sjórán, tí teir 10. desember í 2013 royndu at ræna danska skipið í Indiska Havinum.

Deildir á danska herskipinum, Esbern Snare, tóku teir níggju rænararnar. Í grundlógaravhoyring 23. november, vórðu teir fongslaðir, hóast teir ikki vóru til staðar. Verjin kærdi fongslingina til landsrættin, og fekk viðhald í, at rættartrygdin ikki var í lagi.

Fingu endurgjald

Teir fingu í desember í fjør slakar 20.000 kr. í part fra danska statinum, fyri at verða hildnir aftur av órøttum.

Í grundlógini stendur, at ein og hvør sum verður tikin, skal koma fyri ein dómarar, í seinasta lagi eitt samdøgur eftir at viðkomandi er tikin. Tá rænararnir komu fyri rættin, høvdu teir verið fongslaðir í 13 samdøgur.

Danska ákæruvaldið slepti málinum, og setti menninar í land á Seychellunum, har teir nú eru dømdir.