Akademikarafelagið fegnast um nýggja lønaravtalu

Akademikarafelagið fegnast um nýggju lønaravtaluna, sum felagið undirskrivaði við Lønardeildina hjá Fíggjarmálaráðnum í gjár.

Avtalan millum partarnar tók støði í avtaluni um felags lønarkarm, sum 12 fakfeløg gjørdu við Fíggjarmálaráðið í februar.

Í avtaluni frá 5. februar samdust tey 12 fakfeløgini og Fíggjarmálaráðið um, at lønarkarmurin fyri tíðarskeiðið 1. oktober 2025 til 30. september 2026 er 3,87 prosent. 

Og tað er eisini lønarkarmurin í sáttmálanum, sum Akademikarafelagið og Fíggjarmálaráðið skrivaðu undir í gjár.

Umframt lønarhækkingina á 3,87 prosent, eru aðrar smáar tillagingar eisini gjørdar.

Sáttmálin kemur fyri tann, sum fór úr gildi 1. oktober í fjør. Tí skulu partarnir longu til samráðingar aftur um stutta tíð, at samráðast um nýggjan sáttmála galdandi frá 1. oktober í ár, sigur Arni Petersen, formaður í Akademikarafelagnum: