Bílig amerikansk olja

Í USA er nógv olja á goymslu, sum ikki ber til at selja. Orsøkin er, at seinastu 40 árini hevur ikki verið loyvt at útflyta olju úr USA. Tí hava amerikansku oljufeløgini heitt á myndugleikarnar um at ógilda forboðið, so tey kunnu selja olju á heimsmarknaðinum.

Í USA er oljan bílig, eini 20 prosent lægri enn á heimsmarknaðinum, og ein tunna av olju í USA verður seld fyri góðar 43 dollarar fyri tunnuna, næstan 10 dollarar minni enn oljan úr Norðsjónum.

Í løtuni er støðan tann, at amerikansku oljufeløgini útvinna líka nógv av skiferolju, sum landið brúkar.
Tað er bíligari at fáa skiferoljuna til høldar, enn vanliga olju, og tí kunnu amerikansku oljufeløgini halda fram við sínum virksemi, hóast oljuprísurin er lækkaður munandi.