Í dag verður Stine Bosse forkvinna í BankNordik

Á aðalfundinum hjá BankNordik seinnapartin í dag verða allir nevndarlimirnir, sum partaeigararnir velja, skiftir út. 

Skotið er upp at velja Jógvan Jespersen, stjóra í Felagnum Nótaskipum, Rúna Poulsen, stjóra í Smyril Line, og  Súsonnu Poulsen, forstjóra í Hjelmeland Sparekasse í Noregi, í nevndina. 

Í uppskoti til forkvinnu er Stine Bosse, fyrrverandi forstjóri í Tryg Vestas.

Størstu partaeigararnir í bankanum, Fíggingargrunnurin frá 1992 og Henrik Lind Invest ApS, hava skotið upp at velja nýggj fólk í bankanevndina. 

Úr nevndini fara Klaus Rasmussen, formaður, Jens Erik Christensen, næstformaður, Niels Vestermark og Nils Sørensen.