Givnir at leita eftir líkum

Myndugleikarnir eru givnir at leita eftir líkunum av teimum 150 fólkunum, sum vóru við flogfarinum hjá Germanwings, ið datt niður í Alpunum 24. mars

Í næstu viku verður farið at taka vrakpettini av flogfarinum burtur av vanlukkustaðnum, har flogfarið datt niður. Leitingin eftir líkunum er nú steðgað, upplýsa myndugleikarnir

Mynd: AP

Johnsigurd Johannesen

Bjarni Mohr

07.04.2015 - 15:53

Fronsku myndugleikarnir eru givnir at leita eftir líkunum av teimum 150 fólkunum, sum vóru við týska flogfarinum, ið stýrimaðurin rendi í eitt berg í fronsku alpunum 24. mars.

Arbeiðið at eyðmerkja líkini við DNA-royndum heldur fram, men leitingin er steðgað, upplýstu myndugleikarnir sambært BBC á páskum.

Greinin heldur fram niðanfyri

Germanwings crash body search ends http://t.co/9YPPeYoy8H
— BBC News (World) (@BBCWorld) April 4, 2015

Fleiri vikur kunnu ganga, áðrenn fólkini, sum vóru við týska Airbus flogfarinum, eru eyðmerkt. Ein løgregluovasti upplýsir, at í næstu viku verður farið at taka vrakpettini av flogfarinum burtur av vanlukkustaðnum.

Skírisdag var hin svarti kassin í flogfarinum bjargaður. Upptøkurnar vísa, at alt bendir á, at tað var stýrimaðurin, Andreas Lubitz, sum við vilja rendi flogfarið inn í bergið í fronsku alpunum.