WHO: Í mesta lagi ein tíma hvønn dag

1,1 milliard fólk eru í vanda fyri at fáa varandi hoyriskaðar tí tey lurta eftir hørðum tónleiki í ov langa tíð, sambært WHO, heimsheilsustovninum.

Tað er serliga tí ungdómar lurta eftir tónleiki í høvuðtelefonum og hava ljóðið frá eitt nú fartelefonum ov hart frá, sigur WHO í frágreiðing, ið varð kunngjørd í februar mánað.

Helmingurin av teimum í aldrinum frá 12 - 35 ár eru í vanda fyri at fáa hoyriskaðar og kunnu fáa tinnitus við varandi hoyriskaðum, sigur stovnurin í frágreiðingini.

WHO: Soleiðis verjir tú oyruni

Fyri at minka um vandan fyri varandi hoyriskaðum, mælir World Healt Organization til at ungdómar fylgja ráðunum og tilmælinum, ið WHO hevur gjørt.

● Hav ikki tónleikin hart frá

● Lurta í mesta lagi ein tíma hvønn dag

● Brúka høvuðtelefonir, ið doyva óljóð

Higartil hava fleiri enn 43 milliónir fólk fingið varandi hoyriskaðar, tí tey hava tónleik frá eitt nú fartelefonum ov hart frá í høvuðtelefonum, sigur heimsheilsustovnurin.