Mark sett fyri, hvussu nógv heilivágur skal kosta

Mark sett fyri, hvussu nógv heilivágur skal kosta
Myndugleikarnir í Noreg hava sett eitt mark fyri, hvussu nógv heilivágur skal kosta, sum kann leingja lívið hjá sjúklingum
 
01.06.2015 - 09:45

Í Noreg er markið ásett at vera 800.000 kr. um árið. Kostar viðgerðin meir enn tað, verður viðgerðin ikki boðin á almennu sjúkrahúsunum í landinum.

Kostnaður, ikki dygd

Í Noreg verður heilivágurin sostatt mettur eftir hvat hann kostar, og ikki bert eftir hvussu góður hann er.

- Vit halda, at vit kunnu nýta pengarnar betri aðrastaðni í heilsuverkinum, sum gevur betri úrslit fyri somu upphædd, sigur Lars Vorland, sum er stjóri í norska ætlanarstovninum, sum tekur avgerðina.

Besti heilivágur

Norski læknin, Hans Petter Eikesdal, sigur seg vera í iva um avgerðina, tí hann ikki hevur møguleikar at veita sjúklingunum ta hjálp, sum kann hjálpa teimum.

Sjálvur heldur hann, at sjúklingar eiga at fáa besta heilivágin sum finst, men politiskur áhugi er ikki fyri tí, staðfestir Hans Petter Eikesdal.

Heilivágur vorðin dýrari

Í Danmark eru útreiðslurnar til heilivág, sum sjúkrahúsini lata, hækkaðar 2, milliardir kr. síðani í 2007. Tað leggur trýst á sjúkrahúsini, og fleiri serfrøðingar ávara ímóti sparingunum sum vera settar í verk.

Samstundis sigur varastjórin á sjúkrahúsinum í Herlev, Steen Werner Hansen, seg sakna politiska avgerð, sum kann steðga skjótt hækkandi prísunum.

Er kopiera
Nýggjastu sendingar í ÚV
Hósdag 1. mai
«Eg eri hin góði hirðin»
191279
Hósdag 1. mai
Eitt korter við jazzi 1. mai 2025
191271
Hósdag 1. mai
Brot úr Føroya søgu
191270
Nýggjastu sendingar í SV
Hósdag 1. mai
Grønir fingrar (1:3)
191286
Mikudag 30. apríl
Dagur og vika - teknmálstulkað
191210
Týsdag 29. apríl
Veðrið
191187
Mánadag 28. apríl
Suðuroyartunnilin og skuggatølini
191130
Sunnudag 27. apríl
Møti í Berøa í Saltangará.
191117